Awe, sin duda algun, ta un dia hopi grandi pa Aruba. Rondona pa e mahestuosidad di e Koninklijk Paleis Amsterdam, nos yiu di tera stima Adolf Dufi Kock a ricibi awe mainta e prestigioso condecoracion yama Zilveren Anjer (Clavel di Plata).
E historiado y autor di nada menos cu nuebe (9) buki ta selecta door di e Prins Bernhard Cultuur Fonds como merecedor di e distincion halto aki pa su contribucion na e comunidad di Aruba y Reino Hulandes.
E ta un di solamente tres ciudadano escogi den henter reino hunto cu Daphne Wassink y Klaas Post.Kock, di 85 aña, a ricibi e mencion for di man di Su Altesa Real Prinses Beatrix den presencia di varios minister di Hulanda y dignatarionan, incluyendo Su Excelencia Gobernador Alfonso Boekhoudt. E ta bira asina apenas e di cuater Arubiano cu ta merecedo di e condecoracion aki despues di Jan Beaujon, Juan Chabaya Lampe y Alice van Romondt.
Pa relato y cobertura completo, lesa e proximo edicion di TREMPAN
