Dialuna anochi alrededor di 8:00 pm polis a presenta na altura di Corte p’un caso di hincamento. Aki ta caminda cu dos adicto a bringa cu otro te herida otro. Mientras un a saca cuchiu y hinca e otro, di otro banda a agredie cu bat den cabes.
Polis na sitio a solicita mesora pa ambulance presenta pa mira e salud di un di e adictonan. Ambulance a transporta un di e adictonan pa hospital pa ricibi atencion medico avansa debi na herida serio na su cabes.
Polis a busca rond den e area pa e otro partido pero no a topa cu ne. No ta prome biaha cu polis ta presenta pabou di Corte pa pelea entre adicto.