Dia 20 di Mei ta celebra, conmemora loke ta yama dia mundial di Diversidad Cultural y esaki ta pa dialogo y desaroyo y ta bay tin un programa basta interesante na Biblioteca Nacional, hunto cu Departamento di Cultura y Mirto Lacle.
Segun Lacle, ta un bunita dia caminda tin un programa cu ta consisti di tres parti. E prome ta un charla y esaki ta pa un Lama di Tibet, yama Gesha Lachamba, kende lo trata e tema Compasion & Sharing. Loke ta compasion y comparti cu otro persona.
Den e cuadro aki, ta e dia aki mundial, pasobra proclama pa Unesco, kier a mira pa hende compronde con pa biba den harmonia un cu otro.Despues ta bin e di dos parti, cual ta Hans Timbner, e persona responsabel pa trece e persona aki for di India. Den e cuadro aki Hans lo laga efectua un apertura tambe di un exposicion relaciona na e tema eynan. Di tres parti, lo tin pa mustra y demostra Aruba con un pais chikito, manera nos, a sa di ricibi personanan di exterior, cu a migra bin aki, cu diferente cultura of cultura diverso y pa nan adapta, adopta na Aruba y comparti loke ta di nan. Ta pesey den e cuadro aki, kier mustra tambe un hubentud emergente cu tin, dota di talento, pa nan demostra na nos, pa medio di loke ta yama e triologia, musica, canto y baile, pa trece palabra reigi. Aki por papia di Priscilla Quandt, kende recientemente a keda honra y nombra pa tur e hazañanan cu el a haci, pero tambe Amanda Perla Britten.
Posiblemente tin e grupo Melodia, cu tambe lo trece algun cancion relaciona cu canticanan di mucha, mustrando kico tin den e buki di Reluci Chispa Musical, skirbi pa Jenny Boezem.
Como si fuera poco, tin e dia aki tambe un reconocemento na personanan, baluartenan, heroenan, Hendenan cu a haci nan util pa e comunidad aki y ta pensa riba un icono musical Arubano, cu su talentonan con e lo keda honra. Tambe como ta papia di buki, pasobra buki ta lesamento y den diversidad cultural, tin diferente idioma papia na Aruba, pero tambe skirbi y lo honra un persona como coleccionista di buki.
Dialuna, 20 di Mei, un invitacion ta bay na pueblo di Aruba pa bin na Biblioteca Nacional pa 7’or te cu 9’or y mey di anochi, pa participa na e actividad aki. Entrada ta totalmente gratis. Capacidad ta limita. Temanan tres diferente parti, cu ta relevante y bunita pa Aruba demostra kico di berdad ta diversidad cultural. Pa loke ta trata e huesped special, un palabra di gratitud den nomber di e partnernan ya menciona, cual ta Biblioteca Nacional, Departamento di Cultura y Mirto Lacle, pa gradici Hans Timbner hunto cu su casa Rita, pa di dos biaha ta haci posibel cu un huesped di exterior, lo ta na Aruba pa comparti pasion, compasion y loke ta haci, pa haci e bida mas harmonioso y bunita na pais Aruba.
