Despues di luna nan di preparacion y anticipacion, diamars 30 di april 2019, Kiwanis Young Professionals Aruba (KYPA) a tene nan evenemento pa recauda fondo ‘A Night of Glamour: A Cuban Affair’.
Cu un localidad completamente diferente y unico, e miembronan creativo di KYPA conhuntamente cu e decoradora talentoso Monica Irving a transporta tur presente pa Havana Cuba pa un anochi.
Desde e entrada caminda “The Little One” a brinda e publico cu un bebida di Cuba Libre, pa e autonan classico di aña 50, un Cigar Station cu sigur tabata masha popular henter anochi, pa e sonido y lus bou encargo di Elite Productions a hasi cu tur presente por a disfruta di A Night of Glamour: A Cuban Affair. E ambiente Cubano a wordo presenta cu dos DJ cu a sa di hiba e publico bek den tempo y pa completa e anochi, e dos banda nan local cu a causa furor cu e publico cu ta Robert y su Solo Banda Show y Tsunami.
Kiwanis Young Professionals Aruba kier a tuma e oportunidad aki pa asina gradici un y tur cu a contribui na e evento di A Night of Glamour: A Cuban Affair incluyendo tur e companianan cu a sostene e evento y a contribui por medio di paketenan ofreci na nan. Un danki na Aruba Marriott Resort & Stellaris Casino, GP Cargo & Services N.V., Ennia N.V., Caribbean Overseas N.V., Setar N.V., CIBC First Caribbean, AON Aruba, Renaissance Aruba Resort & Casino, Subway, La Estrella, SafeCom, Notariskantoor Rodriguez-Taekema, Aruba Airport Authority N.V., Smart Systems N.V., WEB Aruba N.V., Tropical Bottling Company, Flora Market, Elmar Aruba N.V., Fantastic Gardens, ATCO Aruba, Serlimar, ClickPrint Aruba y Elite Productions & Entertainment.
KYPA ta hopi agradeci na un y tur cu a contribui na e evento aki paso por medio di e fondo recauda na e evento nan aki, KYPA ta logra ehecuta diferente proyectonan durante aña pa comunidad. Proyecto nan cu sigur lo acapara atencion den e proximo lunanan nos dilanti ta Art in a Bathroom, Placa Chikito, y Back to School. Un biaha mas, masha danki y nos ta sigur cu e siguiente evento lo ta uno diferente y yena cu ambiente un bes mas.
