Diadomingo banda di 2:30PM, ta pidi presencia di polis pa un vehiculo cu a bolter banda di Bushiribana.
Polis mes ora a mobilisa direccion Bushiribana, caminda na principio lo a compronde cu tabata trata di un UTV cu mester a bolter. Na yegada a resulta cu dos persona riba un quadracer tabata riba un offroad, ora e quadracer a pega den e lodo di e caminda. Cu consecuencia cu nan a bolter cu e vehiculo.
Ambos persona a keda levemente herida y trata na sitio mes, no tabata nesecario pa subi ambulance. Polis a tuma tur datos y e ambulance a bandona e sitio.
