Diasabra anochi un tiki promer cu 12’or Polis a wordo manda pa Santa Cruz pa un accidente entre dos auto. Na yegada a resulta cu un auto Hyundai Accent tabata riba caminda di Santa Cruz bayendo zuid, ora un tiki prome cu e cede Di Mep a hala for di su caminda bay na e parti robes di e caminda. For di zuid tabata bini un auto Mitsubishi shinishi y a brake formalmente pero no por a evita e dalmento mas.
Ambos auto a keda cu basta sla. Afortunadamente no tabata tin herido. Polis a pone ambos chauffeur supla. Aki chauffeur di e Hyundai a wordo deteni despues cu el a faya e test. Un rato asina a mustra cu cos por a bay for di man, ora e chauffeur deteni tabata reclama e Polis cu e no tin nodo di dobla su man.
Na dado momento e detenido a medio resisti, pero asina mes Polis a hinke den dogcatcher. Caminda a keda obstaculisa te ora a takel, kita e auto for di caminda