Diaranson atardi alrededor di 4:45 pm a sosode un accidente na Piedra Plat. Ta net dilant’i Jay’s Tireshop. Ta trata di tres auto envolvi den un accidente di cadena.
Un auto marca Chevrolet modelo Spark t’esun cu a claba brake memey caminda cu consecuencia menos bunita. Debi na distancia un Nissan Qashqai a bay dal tras di e Spark.
Pa completa e storia, un Kia Picanto a pega tras di e Nissan, formando un trio memey caminda. Chauffeur di tur tres auto tabata keha di dolor. Ta tur motibo pa ambulance presesnta pa atende cu e personanan herida.
Polis di trafico a presenta pa atende cu e accidente mientras cu patruya di Sta. Cruz tabata desvia trafico. Den e Spark tabatin un mucha cu tambe tabata keha di basta dolor. Paramediconan a brinda tur cuater atencion medico pa despues transportanan pa hospital pa un chekeo mas avansa.