Diaranson atardi e prome diesdos personahe a ricibi e di dos vacuna. Dia 17 di februari nan a ricibi e prome vacuna. Asiana a cuminsa cu e campaña nacional contra COVID-19. E vacuna di Pfizer ta rekeri dos vacunacion, di cual despues di tres siman ta haci esey.
Jurette Croes, vocero DVG, a splica cu e personahenan lo ta protegi aki dos siman pa 95%. Esey ta significa cu den binti persona, uno por haya COVID. Beneficio di esaki ta cu si e haya e virus, e no lo ta asina gave y mester ta interna, ta crea complicacion of fayece. El a indica cu ta importante pa nan sigui motiva comunidad pa registra lihe y mas lihe por yega 85% di comunidad vacuna. Esey ta haci cu e virus di COVID-19 por sigui plama den comunidad.
Desde luna di december Ministerio di Salud Publico y otro departamento di gobierno a cuminsa cu e campaña di vacunacion cu exito. E prome carga di vacunacion a yega dia 16 di februari y p’e dia siguiente tabata cla pa suministr’e. Dangui Oduber, Minister di Turismo, Salud Publico y Deporte, a bisa di ta gradici p’e reaccion cu ta haya di comunidad. Nan ta satisfecho cu e cantidad di persona cu a inscribi. Pa mas informacion lesa TREMPAN.
