Diabierna atardi, pa mas of menos 4:45 pm, a drenta informacion di un accidente cu a tuma luga n’e crusada di J.G.Emanstraat cu Emmastraat, net pazuid di Kowloon.
Ta trata aki di un Chevorlet Spark colo cora y un SUV Lincoln colo shinishi cu pa motibo di preferencia a dal den otro.
Tanto polis como ambulance a presenta n’e sitio. E ekipo paramedico a atende cu un persona cu a keda herida den e Spark cora, pa despues hib’e hospital p’e ricibi tratamento medico avansa.
Daño material tabata considerabeo, vooral p’e SUV ya cu su front a keda completamente na werki.
Polis di trafico n’e sitio a tuma e datonan necesario.
