Diahuebs 13 di februari ultimo, Commandant Generaal Abraham de Veerschool a tene dos evento exitoso. Pa e alumnonan di Ciclo Basico a tene e Carousel: “Mi escogencia tin consecuencia”, brinda pa FADA (Fundacion Anti Droga Aruba) conhuntamente cu e instancianan: Telefon Pa Hubentud, Stichting Wit Gele Kruis, Douane, DBZ (Dienst Besmettijke Ziekten) y CAA (Consultorio pa Asuntonan di Adiccion).
Durante e presentacionnan, e alumnonan a haya informacion valioso pa nan bida. Informacion pa nan realisa cu cada decision cu nan tuma tin su consecuencia a corto plazo pero tambe por ta consecuencianan hopi pisa a largo plazo y kisas pa e resto di nan bida.
Pa e alumnonan di Ciclo Avansa a tene un carousel di “Estudionan despues di MAVO”, presenta pa sr. Daryl Chin-Sie-Jen (Elektrotechniek); sra. Gillany Maduro (Verpleegkunde); sra. Jacqueline van Putten (CIOS); sr. Jefferson Quant (Hospitality & Tourism – Certified Cook); sra. Lubienshka Dijkhoff y sra. Waika Maduro (KPA); sr. Jeandre Hessen y sra. Giandra Figaroa (Economia). E alumnonan a haya informacionnan valioso pa yuda nan den nan escogencia pa un estudio despues di MAVO.
Abraham de Veer school ta gradici tur e instancia y presentadornan di e 6 estudionan, pa nan tempo duna na e scol y pa e informacionnan importante y valioso cu a brinda. Esaki a hasci e dia aki uno exitoso.
Abraham de Veer school ta sigui cu actividadnan asina, pa sigui educa e alumnonan tanto academicamente como tambe pa nan bida personal, purbando na inculca balornan necesario pa adkiri normanan halto y asina por desaroya den ciudadanonan valioso den nos comunidad.
