Diabierna a tuma luga e caso entama contra Jason M. acusa di a abusa di un menor di edad den e gym cu e tabata tin hunto cu su casa. Abogado Marchena ta amplia mas rib’e caso aki.
Den aspecto di defensa, mr. Marchena a bisa cu, en general nan a trece puntonan di defensa dilanti, e puntonan di e cliente cu for di un principio caba, loke cliente tabata para riba dje y loke e tabata bisa el trece dilanti aworaki. Awo mester warda
DEFENSA
Den e parti cu defensa cu a trece dilanti tabata tin algun aspecto, cu a cuestiona e forma con Ministerio Publico a trata e mensahenan, cu nan ta corta y pega, cu nan ta duna un otro impresion cu ta wordo bisa. No tabata e mensahenan cu ta hay’e confronta cu ne, no ta mensahenan haya door di polis den un procedura normal, pero ta cosnan treci door di famia na polis. Ta cuestiona e ora ey, e validez loke ta wordo treci ya cu no por mira, no por ta sigur ora c’un polis ta haci un investigacion, e ta traha un procesverbaal y ta asumi cu e loke tin den e procesverbaal ta corecto, cu a haci un investigacion corecto.
Pero den e caso aki, loke a trece dilanti, ta mensahenan treci dilanti door di tercera persona. Es decir door di famia, y esaki ta loke defensa a cuestiona. Te con leu por bay a base di mensahenan treci door di otro persona, cu no ta un investigacion haci door di e mesun autoridadnan.
Pa loke ta e mensahenan, no tabata niun combersacion di indole sexual den e mensahenan. Esey, segun mr. Marchena ta algo cu mester trece claramente dilanti. Tabata tin hopi mensahe si, pero nada sexual entre e mucha muhe cu su cliente. Ministerio Publico no a trece esaki dilanti tampoco.
EXIGENCIA FISCAL
Fiscal a pidi 42 luna di prizon pa Jason M cual 6 luna ta condicional y 2 aña di prueba. Jason M lo mester sinta 3 aña kitando e luna nan cu e tin cera caba.
Abogado mr. Marchena a sigui bisa cu el a basa su defensa riba un debate di Fiscal a pidi 42 luna di prizon pa Jason M cual 6 luna ta condicional y 2 aña di prueba cualificacion legal di actitudnan. Defensa no tabata pleita mucho riba e caso mes, pero mas bien riba cualificacion legal di acusacion
Ta acusa Margarita di conducta inmoral c’un menor di edad (bou di 16 aña). su cliente ta positivo y ta bisa cu a trece parti di su storia dilanti, cual p’e ta mas importante. Ta keda na hues con e ta califica esey.
Hues a cera tratamento di e caso y lo dicta sentencia aki tres siman.
