Ciencia y tecnologia ta den competencia cu otro. Cada rato bo ta tende cu tin un producto nobo riba mercado. Tur kier delanta otro. Varios pais ta aumenta nan poder militar pa intimida otro y asina purba tuma dominio riba mundo ken ta miho arma.
Pero ora nos ta papia di Dios Tata Todopoderoso, E no ta cambia. Semper E t’e mesun Dios p’e siglo y siglonan.
E tin e mesun poder. Dios no ta depende di ningun hende. E ta Dios riba su mes. El a bisa Moises: “Ami ta.”( Exodus Capitulo 3:6)
Ora nos ta depende di Dios, nos por tin sigur cu E no ta laga nos na caya. Pasobra Su promesa ta si y amen y Su palabra nunca ta faya.
Si den pasado hende a confia Dios y nan a sana y haya libertad, awe por sosode mesun cos. Pasobra Dios no a cambia. Dios ta fiel y berdadero.
Dios ta habri wowo di e ciego.
E ta habri matriz di e hende muhe infertil.
E ta habri horea di e sordo.
E ta pone e mudo papia.
E ta cura cancer.
E ta cura lepra.
E ta cura Coronavirus.
E ta cura Aids.
E ta cura migraine.
E ta kita depresion.
E ta lanta morto.
E ta sana bo matrimonio.
E ta libra e yiu cu ta den droga.
E ta libra bo di infieldad.
E ta kibra tur cadena di bruheria y santeria.
E ta kibra tur cadena di rebeldia y den e nomber di Cristo Hesus tur demoño mester huy.
Awo bo ta puntra bo mes kico bo mester haci pa bo mira Dios su man move den bo hogar y den bo famia?
Na prome luga bo mester arepenti di tur bo picanan y pidi Dios pordon y entrega bo bida na Hesucristo y asina bo tin un relacion personal cu bo salbador cu bo mes a confesa cu bo boca.
Pasobra e palabra di Dios ta bisa , cu si bo confesa cu bo boca cu Hesus ta Señor y kere den bo curason cu Dios a lant’e for di mortonan lo bo ta salba. (Romano Capitulo 10:9)
Filipenses Capitulo 4:6 y 7 ta bisa: “No preocupa pa nada, ma den tur cos pa medio di oracion cu suplica y gradicimento. Laga boso peticion ta conoci dilanti di Dios y e paz di Dios cu ta surpasa tur comprondemento lo warda boso curason y boso mente den Cristo Hesus.”
Nos emocion no ta move Dios. Ta nos fe ta move Dios su man y nos confiansa ta hiba nos n’e Victoria, pasobra pa Dios nada ta imposibel.
Den nos malesa y tristeza nos mester confia den Dios, pasobra E ta Todopoderoso.
Cada biaha nos mester yama Dios danki ora nos caba di haci oracion. Pasobra esey ta demostra nos confiansa den Dios. Hende agradecido ta hende bendiciona.
Asina bo por mira milager tuma luga den bo hogar y bo famia.
