E abogado mr. Patrick van der Biezen ta den preparacion pa asina bira fiscal na Ministerio Publico. Patrick ta sali for di un cas cu hopi bon educacion. Su tata ta Leo van der Biezen un inspector di Polis cu tin como 35 aña den Cuerpo Policial y casa cu Mayra. Semper nan a traha duro pa guia y educa nan yiunan. Den e caso aki Ministerio Publico a mira e talento den Patrick van der Biezen pa bira un fiscal. Parce a acerke caba den pasado pero e no tabata cla pa e reto. Awor si e ta cla.
Algun aña atras Patrick a caba Erasmus universiteit.
Un di esnan cu mas renombre mundialmente.
Despues el a bini Aruba y cu brasa habri Chris Lejuez a tume pa traha cune na su bufete.
Despues di tabata tin un careda exitoso como Abogado ganando casi tur caso cu el a defende.
P.G. y miembronan di Ministerio Publico a mira cu e tabata un candidato potencial pa ta un Fiscal na Ministerio Publico.
El a wordo conseha pa solicita na momento cu tabata tin vacatura pa un Fiscal.
Tabata tin differente otro candidato mas cu a solicita.
Despues di a haci tur e proceso cu esaki ta trece cune e escogencia a cay riba mr. Patrick van der Biezen. Despues di pasa tur proceso cu falta ainda, Patrick van der Biezen ta cla pa acepta e reto como un fiscal Arubiano. Pabien na Patrick y henter su famia cu e escogencia aki cu ta importante. Nos yiunan di tera mester asumi puestonan asina importante pa nos pais. Nan sa kico ta e cultura di nos isla y e doornan di nos pueblo. Esey ta diferente cu e fiscalnan Hulandes cu hopi biaha ta bin cu mentalidad di Hulanda cu ta full diferente cu esun di Aruba. Pueblo mester ta contento ora nos mesun hobennan prepara asumi funcionnan asina importante. Pabien Patrick y famia pero tambe pabien Aruba.
