Un caso cu Peter Mohamed a trata ta di ex parlamentario Desiree Croes. Tabata tin cierto decision di e gobierno nobo, pa loke ta su funcion.
Abogado Mohamed tabata den corte e siman aki relaciona cu e mesun caso aki. Tin cierto desaroyonan nobo pa loke ta gobierno.
Sra. Desiree Croes tabata directora di Aruba Huis prome cu el a drenta politica bek. Awo cu e no a keda reeligi pa parlamento, despues cu el a bay cas, di tur modo, el a keda den e funcion di Aruba Huis. El a meld su mes na e funcion ey despues di eleccion. Eynan el a haya sa cu e tin cu warda un rato, pasobra en principio no sa kico pa haci’e cun’e y su funcion. Na final el a haya un carta di prome minister na comienso di Januari, cu segun gobierno, e ta ambtenaar si, pero no directora di Aruba Huis y den nan bista, e ta eigenlijk e ta un juffrouw di scol. El a wordo ordena pa bay scol bek, pa meld su mes na Dienst Publieke Scholen pa e haya su funcion eynan.
Mirando cu sra. Croes no tabata di acuerdo cu esey, a entrega un voorlopig voorziening na ambtenarenrechten y a bay di acuerdo cu mirando den su bista preliminar, a conclui cu sra Desiree Croes ta directora di Aruba Huis y cu en principio e ta keda cu e funcion ey.
Loke si hues a dicidi ta cu en principio no tin ningun necesidad pa e bay Aruba Huis pa e pone bek den e posicion ey tambe. Esey ta keda na Land Aruba pa dicidi riba esey. Ora cu entrega un voorlopig voorziening, despues ta bin un bodemprocedure. Siman pasa a haya un otro carta di gobernador y minister di Asuntonan General cu ta bisa cu e caso ta wordo hala aden. E decision cu tin cu meld na Dienst Publieke Scholen ta wordo hala aden. No tin un decision mas cu e tin cu bay scol bek. E caso di dialuna no tabata tin necesidad mas. Unico cos cu a bay eynan pe, ta hunto cu e representante di land Aruba, a debati riba e pregunta cu si mester bin un decision den costo door cu e caso a wordo hala aden. Hues lo dicidi riba esey na Augustus. Ultimo desaroyo ta si cu el a haya un otro carta, unda cu a bisa cu e no mag di drenta Aruba Huis of un di e localnan di Arubahuis, standard pa ambtenaar cu ta wordo poni riba non actief, pero ningun momento e tabata tin pensa di drenta Aruba Huis. E ta wardando kico nan ta bay haci cu su posicion.
Otro cos ta tambe cu ta canando un disciplinaire procedure den cual e ta wordo tilda cu el a post cos riba Facebook, di cual no a cay den bon tera cerca Gobierno y ta bezig cu un investigacion interno disciplinario contra di dje. E resultado ey ta warda riba dje pa mira kico lo ta e proximo paso.
Sra. Croes ta un politico hopi emocional y basta critico. El a lansa algun acusacion of por ta insinuacionnan den direccion di e actual ministerio plenipotenciario entre otro. Esey nan a mira probablemente ofensivo y lo bay mira si esey ta suficiente si por tuma un medida disciplinario contra di dje.
Na cas
Croes kier traha lo mas lihe posibel. Pero na e momentonan aki esey ta den man di gobierno pa dicidi riba esey.
