Diabierna anochi manece diasabra alrededor di 12:45 am polis a presenta na Linear Park pa atende cu un supuesto pelea. Na yegada di polis, a para un auto marca Toyota modelo Celica. Mirando cu polis no tabata sa exacto kico a pasa, a bay over na cuminsa puntra tur hende den e area kico por a pasa.
E trio a conta cu; un grupo a manda boter riba nan y sali core bay. Na prome instante e trio tabata poco altera cu polis, mirando cu segun nan; polis a para hende robes. Despues di papia basta rato cu nan, a logra calma tur tres.
A controla den nan auto pero no a topa cu nada illegal. Despues di un proceso largo, e trio a sigui nan caminda sin ningun problema, na final no a topa cu esunnan cu a tira e boter.
