Hopi biaha ta aprecia ora cu inversionnan ta tuma luga den areanan cu hopi tin miedo pa inverti. San Nicolas ta un area unda poco comerciante kier core risico financiero.
Ora cu un comerciante haci esaki, esnan cu menos bon intencion no mester bay causa destruccion na e inversion. E comunidad di San Nicolas tambe mester zorg pa cuida e propiedadnan aki.
Purba na evita cu stablecimentonan cu ainda tey ta keda destrui. Na Principal Theater den e area di Caya Grandi a purba horta. A destrui e glas na e entrada principal cu intencion di horta. A avisa polis di e caso.
Probablemente mester tin imagen di esun cu a comete e acto. E glas lo ser cambia. Ban cuida e existencia di poco localidadnan cu ainda tin den e curason di San Nicolas. No bay demotiva e comerciantenan cu mañan ta opta pa cera nan luga y bay otro area cu nan negoshi.
