Cierran, se fue Un famia na Ibisa, San Nicolas, ta pidi yudansa di comunidad pa identifica e auto cu a dal contra nan vehiculo parkeer dilanti cas y a
bandona e luga despues di e accidente. E incidente a sosode diahuebs 29 di october, rond di 12:25 di marduga.
Segun Paula Rafini, e tabata casi na soño ora el a tende un zonido duro pafo. Ora el a sali pa wak kico a pasa, el a ripara cu un auto a dal contra su auto cu tabata parkeer dilanti su cas. E otro chauffeur a core bay.
Rafini ta apela na cualkier persona cu a mira algo of cu tin camara di siguridad den e area pa revisa nan grabacionnan rond di e ora menciona. Ta trata di e area di Ibisa, San Nicolas, bayendo “Batmanfield”, den e caya di Nikki e barber y Alfacooltech Airconditioning.
E famia ta spera cu imagen di camara of informacion di testigonan por yuda identifica e vehiculo involucra.
Cualkier persona cu tin informacion por tuma contacto cu Paula na 5679410, cu su mama na 6622955, of cu Polis di Trafico.
