Diabierna atardi polis a tene un control pisa den trafico combina cu listramento preventivo. A para na diferente puntonan strategico durante e controlnan. A controla mas di 400 auto y a duna un total di 95 boet.
E multanan tabata pa entre otro; no tabatin un rijbewijs valido, no a paga impuesto di plach’i number, no tin un seguro valido, no tin un keurinskaart valido y asina por sigui menciona.
Durante e control polis a haci dos detencion pa sea automobilista of pasahero den auto cu no tabatin permiso di estadia. Esey no ta tur, pasobra a detene dos chauffeur pa stuur un vehiculo di motor bao influencia di alcohol y un detencion mas pa tabata den posecion di droga (maihuana).
Otro unidad di polis durante listramento preventivo a topa den un auto un skinops (boksbeugel). A detene e chauffeur pa posecion di arma blanco. Despues a sigiui controla den diferente bario y establecimento nocturo te den oranan di madruga.
Durante e accion di listramento preventivo a haci detencion pa cu posecion di municion, a confisca machete, sker y cantidad di droga.
E accion y control den trafico lo sigui pa diasabra nochi di Halloween den diferente districto. Corda percura pa tur documento di bo vehiculo di motor ta valido y bo rijbewijs tambe. Si bo tin pensa di dal betro, e ora no stuur. Percura pa bo tin bo amigo responsabel cu bo tur momento .
