Baranca Toastmasters Club a organisa un Open House pa brinda comunidad di Aruba oportunidad di conoce e organisacion y participa den un reunion educativo. E actividad ta den cuadro cu e celebracion di 102 aña di Toastmasters International, mientras cu e club local ta acercando su di dies aniversario.
Michele Brooks, Distinguished Toastmaster, a splica cu Toastmasters ta un organisacion cu ta yuda hende desaroya nan habilidadnan di comunicacion, papia cu confiansa dilanti di publico y fortalece nan capacidad di liderato. Segun Brooks, e organisacion no ta enfoca solamente riba forma bon oradornan, sino tambe riba desaroyo di liderato, presentacion y habilidad pa facilita reunionnan. E meta principal ta pa participante haya nan propio bos, comunica miho y descubri nan potencial.
Carla Martinus, Vice Presidente di Miembresia, a indica cu e Open House a conta cu diferente invitado y miembronan di e club. E actividad a tuma luga entre 10:00 AM y 12:30 PM. Martinus a anuncia cu e siguiente reunion educativo lo tuma luga dia 17 di november, for di 10:00 AM te 12:00 PM.
Publico interesa ta bonbini pa participa y conoce mas di e programa educativo. Pa mas informacion of pa bira miembro, por tuma contacto cu Carla Martinus, bishita e pagina di Facebook The BTC of Aruba, of manda un email na barancatoastmastersclub@gmail.
Baranca Toastmasters Club ta sigui stimula comunidad pa desaroya confiansa, comunicacion efectivo y habilidadnan di liderato.
Pa mas detaye lesa TREMPAN.
