A detene Hugo Carvajal na Spaña riba peticion di Merca

Hugo Carvajal, e mayor general retira di Forsanan Arma Nacional, a wordo deteni diabierna pa Polis Nacional Spaño, como respuesta na un reclamacion di Merca.

Fuentenan policial a indica na EFE cu e detencion a tuma luga na Madrid pa 3’or di atardi, den e virtud di un orden di extradicion emiti pa autoridadnan Mericano pa un delito economico relaciona cu labamento di placa procedente di trafico di droga.

E corant El Pais di Spaña, a informa cufuentenan di e Forsanan di Siguridad a señala cu e detencion a tuma luga na e cas di e yiu homber di Carvajal, ubica den e capital Spaño. E acusacionnan contra e Venezolano di parti di Merca, a surgi despues cu a haya documentonan den e computer di Raul Reyes, ex comandante di FARC, loke a señal’e como un supuesto colaborador den e entrega di arma na e grupo guerillero, como tambe den negoshinan vincula na narcotrafico.

Carvajal, di 59 aña di edad, taabta e homber di confiansa di e fayecido presidente di Venezuela, Hugo Chavez y na Februari ultimo, a respalda Juan Guaido como presidente interino di Venezuela, y a haci un yamamento na su compañeronan militar pa rebela contra Nicolas Maduro.

Comments

comments