Diaranson anochi polis a pone man riba un homber jong cu tabata menasando hende cu machete. E homber su adres mes ta Panamastraat. E tabata actua straño y cu e machete den man a bira un peliger pa e clientenan di Bo Chang Wing den Weststraat. Polis a bay na e adres pero el a move caba direccion zuid.
Polis a topa den Panamastraat y eynan el a core bay laga polis. Segun e tabata core e tabata grita cu e ta bay muri. A perde for di bista. A keda busca y despues di basta busca e team special di aresto a topa cu ne den un cas bandona dilanti Bo Chang Wing mes. A baha y mande plat na tera. Djey e unidadnan policial a tuma over. A transport’e pa warda.
E tabata hopi droga y tabata grita hopi disparate. Sub Fiscal a dicidi cu e ta keda. Polisnan a tuma declaracion di algun hende cu tabata rond eybanda y cu por a testigua di loke nan a mira mas trempan.
