Diasabra anochi pa 11:30 pm, pues 30 minuut prome cu orario di cierre, un chaffeur den e parkeerplaatst di King Plaza a core y bay dal den e muraya di e restaurant Tortuga Loco y a resulta herida.
Motibo cu el a bay dal den e muraya no ta conoci. Ta trata aki di un Kia Picanto color cora numera A-63275. E chauffeur tabata keha di dolor y tabata tembla, probablemente di susto debi na e impacto. Polis na e sitio a pidi pa ambulance presenta pa asina transport’e pa hospital pa por yud’e. Ta di remarca cu e doño como tambe demas personal di e localidad a keda na e sitio te ora cu ambulance a transporta e pashent.