Diadomingo pa mas of menos 12:30 pm, doño di Brazil Food Center a pone autoridad na altura cu el a bira victima di ladronicia.
Na e sitio e ta conta polis cu ladronnan mester a drenta e luga via un bentana parti patras di e edificio. Fo’i djaki a saca shete boter di Palmera di un liter.
Polis a tuma dato di e suceso y a pone departamento forensico na altura.
Segun a compronde, tin sospecho di un persona cu ta biba den e area di Mabon y cu e ta un conocido di polis. Ta haciendo e investigacionnan necesario pa asina pone man na e supuesto ladron.
