Sin cu a haci un anuncio oficial, dialuna den oranan di merdia a yega Aruba e Minister di Relacionnan Exterior di Hulanda Stef Blok.
E mandatario a yega cu su mesun Boeing 737 hunto cu su delegacion y mesora a mobilisa bou escolta pa Renaissance Ocean Suites, unda por a mira militarnan staciona rond, como forma di siguridad.
Segun e website di ministerio di relacionnan exterior, e mandatario ta riba un bishita di trabou na Sint Maarten, Aruba y Corsou (22 – 24 november). Pues awe el a yega procedente di Sint Maarten.
No ta conoci e tema specifico di e combersacion, si e por tin di haber cu Venezuela. Manera ta conoci, anteriormente Secretario di Estado Raymond Knops a bini pa Caribe pero no a bishita Aruba pa motibo cu tabata den code oranje. Recientemente a pasa Aruba pa code geel mirando cu e cantidad di casonan a baha drasticamente.