Polis a confisca auto na Noord: Autoridad atento riba movecion sospechoso rond nos isla

2260

Dialuna promer cu 12′:00AM, polis ta presenta na ex Bestuurskantoor na Noord, un poco panort di Western Union, caminda cu a indica cu tin un auto sospechoso staciona cu dos individuo sinta aden pa basta rato. Na yegada polis a bin encontra e auto pero no e ocupantenan.

Polisnan ta alerta pa cualkier movecion sospechoso den e dianan mirando olanan di atraco cu ta tumando lugar.

Informacion cu tin te na e momentonan aki, ta cu ta trata di un Hyundai Elantra (color blanco), tabata staciona bou di e palo di mata cu tin cerca di e edificio di Ex Bestuurskantoor, e auto no tin nummerplaat riba dje. Tur esaki ta locual a pone recherchenan riba alerta y a activa demas coleganan mesora. Polis a presenta pero no a topa cu individuonan sinta den e auto. A confisca e vehiculo cu despues nan a transporta pa warda di Balashi.

Na comunidad ta bay un yamada pa sea alerta, cualkier movecion sospechoso tuma contacto cu polis y asina evita cualkier crimen di tuma luga riba nos isla.