Durante un conferencia di prensa dialuna atardi na Piedra Plat, Milliard MMA Academy a anuncia firmamento di un contracto masha importante pa nan academia.
Gregory Milliard, un personahe masha conoci den mundo di MMA y kende ta dirigi Milliard MMA Academy, a informa 24ora.com cu nan a caba di firma un contracto masha importante.
Nan a firma cu e atleta Wally Wester, kende dia 28 di september awor ta bay tin un pelea internacional na Pennsylvania. “Nos ta sumamente cu nos ta locmente trahando pa nos muchanan y hiba nan den exterior pa representa Aruba.”
Milliard MMA Academy di e forma aki no solamente ta trata di guia hobennan y siñanan uza nan forsa den un forma deportivo, y alabes yuda nan yega den exterior pa peleanan grandi, unda nan mes ta resalta pero tambe e nomber di Aruba.
Milliard MMA Academy a firma Wally Wester
Milliard MMA Academy a firma Wally Wester. Click e lnk pa mas https://24ora.tv/2XcL96V
Posted by 24ora on Monday, July 1, 2019
El a duna ehempel di nan atleta Jairzinho Biggo Boy, kende mientras tanto ta bringando den UFC, y kende diasabra ultimo a impone un record di 9 seconde y mesun meta nan kier logra pa Wester tambe.
E hoben atleta tin 4 pelea bringando bou di Milliard MMA Academy y tur tabata exitoso. Awo e ta sinti su mes masha orguyoso di su logronan. Proximamente, prome cu e pelea na september, e ta participando den Spartacus II.
Wester ta masha contento cu e contracto, ya cu esaki ta algo cu semper el a traha pa yega na dje. Persverancia y disciplina ta algo cu tur hoben mester tene cuenta cun’e, tabata su conseho.
