Dialuna merdia Polis a bay den De La Sallestraat pa un accidente cu herido. Esey tabata net momento cu trafico tabata hopi druk.
Polis a yega topa cu un auto chikito cu a accidenta su so. Segun por a compronde, e chauffeur a bisa cu awa a caba di yobe y pa motibonan desconoci e auto a cuminsa slip y a bay dal den muraya di un cas.
Ambulance a yega na e sitio y a atende cu e chauffeur, kende tabata levemente herida.
Den curso di awe tabatin masha hopi accidente chikito, sea door di trafico pega of ora cu awa a yobe.
