CrossFit Open lo ta organisa na CrossFit Eximous. Aña pasa tabata e prome aña despues cu 2 luna a organisa esaki na nan box. Tabata un evento sumamente exitoso.
E aña aki lo e bay bira e mesun exitoso. Como atleta a double up e participacion. Tabata tin 30 atleta aña pasa. E aña aki lo tin 65 atleta cu lo participa na e evento grandi aki.
CrossFit ta un deporte cu ta birando hopi conoci mundialmente. CrossFit Open ta algo mundial.
Tur diahuebs, Dave Castro, kende ta director di CrossFit Games, lo bay tin un anuncio special. Ta trata aki di un workout, unda cu tur e atletanan cu a inscribi pa e Open, tin cu bay haci. Lo tin diferente division. Tin esunnan elite, y e atletanan cu tin poco mas aña ta practica e deporte caba.
Tin e parti di Beginners y e parti di Skilled. Aki tur hende por participa y pasa pret durante esaki. Tin ta haci’e djis pa e experiencia, pa test nan fitness y tin otro ta haci’e pa competi online, pa wak con leu nan por yega den e deporte aki.
CrossFit Eximouss lo ta organisando e evento aki pa cinco siman largo, entrante awe, diabierna, 22 di Februari, di 5’or di atardi pa 10or di anochi.
Otro siman diabierna e lo ta mesun orario y despues e lo bira e siguientre tres diadomingonan. E ta caba riba 24 di Maart, cual lo ta un evento grandi unda cu lo parti premio.
Tambe lo bay tin cuminda durante tur e simannan aki. Lo bay tin Bomba Take Away, pa tur esnan cu gusta truck. Lo bay tin Fondeu Bistro, cual ta un cuminda tiki mas clean.
Por lo general lo bay tin nan bar cual lo ta bon surti.
CrossFit Eximous ta gradici tur sponsor cu a duna un man den e evento aki.
