Awe tabata tin un referendum di Seaport Casino. Sindicato STA a pidi e referendum. E proceso normal a tuma luga y awe for di 2’or pa 4’or di atardi el a tuma luga.
29 trahado por a haci uzo di voto y ya cu ⅔ parti a haci uzo di nan voto. Na final lo tin e resultado, cual lo parti den e partido. E referendum ta algo normal di acuerdo cu ley.
Segun mediador di gobierno, Anselmo Pontilius, den e caso aki e sindicato a pidi e referendum y si e dunado di trabao no a bay di acuerdo di no conoce e sindicato sin un referendum, e referendum ta e instrumento legal, den cual ta determina si e sindicato tin mayoria di e trahadonan cu e por representa nan y negosha un contracto colectivo.
E referendum aki ta especifamente pa e casino aki. Tin dos casino, dos NV separa y cada uno tin un dunado di trabao, posiblemente e mesun doñonan, pero do NV separa, consecuentemente a hay’e pa un awor aki cu a wordo pidi.
Representacion
Poco poco mas compania of mas trahado den compania ta organisando nan mes. Ta un derecho constitucional, segun mediador. E trahadonan semper por busca nan derecho cerca un of otro sindicato. Den e caso aki, pa ley e sindicato tin derecho di negosha condicionnan di trabao mediante e ley riba contractonan colectivo y representa e trahadonan den nan derecho y obligacionnan.
Na e momento cu e trahadonan bira miembro, logico e dunado di trabao, na momento cu e haya peticion di parti di e sindicato, e por reconoce di biaha, of tin instrumento legal, cual ta e caminda di referendum pa reconoce e sindicato.