Wilbert “Wiwi” Maduro ta un persona cu pa hopi tempo a yuda den Centro di Bario den e parti di folklore. Pesey e biaha aki, el a sinta hunto cu Chico Harms y a bin cu un pensamento den direccion di tur e gruponan cu nan tabata pidi nan cooperacion pa fin di aña, ora cu nan tin nan festival di Dande, nan tabata coopera cu e centro gratuitamente. Awor aki a pensa riba nan, pasobra despues ta bisa cu ora cu Dande caba no ta tende di nan mas.
Y nan ta pensa cu sigur ta uza ta uza nan. Kier pa pueblo sa, cu ta pensa riba nan keto bay y ta dicidi di lanta un comision cu ta yama Union Tipico Arubiano, unda cu a haya varios grupo. Tabata tin grupo di p’abao di brug, cu tambe a bin, pero despues no a bin mas. A keda toch cu un total di 10 pa 11 grupo. Kier cuminsa cu e gruponan ey, dunando nan un festeho, un oportunidad pa demostra kico nan tin diadomingo awo, 3’or di atardi. Lastima cu un grupo a cay afo.
A keda cu 9 y lo deleita na e pueblo di Brazil y e comunidad di Aruba henter, cu piesanan tipico cu te ainda no kier laga nan cay. Ta sigui cun’e. Pesey diadomingo awo, ta spera tur hende bin apoya e tipiconan. Lo stress riba mey ora pa cada grupo, mirando e oranan ta limita y ta tal ora a haya permiso p’e. Ta pa e motibo ey Maduro ta spera cu tur hende lo coopera, unda cu lo tin un gran atardi/anochi.
Pa 3’or di atardi ta ranca sali cu e festival di tipico cu lo bay tin diadomingo awo, den Centro di Bario Brazil. Ta spera cu mayoria hende cu stima nan folklore, acudi na e centro.
