Diahuebs anochi Moises Diaz, yiu di e famoso cantante di vallenato Diomedes Diaz y Betsy Liliana Gonzalez, a fayece den un accidente di trafico na Colombia. Segun e diferente publicacionnan, e hecho a tuma luga na Barranquilla, Atlantico, ora cu e hoben tabata mobilisando den un Chevrolet Spark color cora. El a dal deb un palo di luz, ocasionando su morto na e sitio mes. Con e accidente a sosode no ta conoci, pero e tabata e unico vehiculo envolvi.
Dia 13 di maart caba Moises Diaz, conoci tambe como ‘El travieso Moisés’, a sufri un accidente den cual el a bolter cu e SUV den cual e tabata, sufriendo lesionnan leve. E tambe tabata den mundo di vallenato.
Den e famia di Diomedes Diaz y Betsy Liliana Gonzalez, a nace tres yiu: Liliana, Luis Mariano y Moisés, di 20 aña y kende tabata tata di dos yiu.
Recientemente el a lanta su negoshi di hamburger cu un amigo y aparentemente e tabata haciendo un entrega.
Cu e caso aki ta bira e di dos yiu di Diomedes Diaz, kendenan ta fayece tragicamente den accidentenan di trafico. E prome tabata Martín Elías, dia 14 di april, 2017.
