Un rato pasa pa mas o menos 12:00am, Polis a bin topa cu un auto marca Toyota modelo Yaris, na altura di e rotonde di Santa Cruz. E auto tabata coriendo comosifuera nada no ta pasando.
A par’e na altura di McDonalds pa un control, specialmente pasobra desde 10:00pm tin Toque de Queda. E chauffeur masculino tabata compaña pa su pareha. Ambos no por a demostra cu nan tin permiso pa ta ariba caya, nan tabata mustra intoxica.
Polis a detene ambos y e transporte di detenido a buscanan y transporta nan pa Warda di Polis caminda cu nan lo sosega primeramente den un cel y mainta un sub fiscal lo dicidi kico ta bay para cu nan detencion, multa sigur no lo haci falta.
