Xtreme Flyers celebrando 10 aña compitiendo cu fli gigantesco diadomingo awo

Xtreme Flyers a scoge a bay competi e aña cu un fli basta grandi y un logo masha peculiar riba dje. Derrel Lampe di Xtreme Flyers, a conta cu nan a cuminsa mas of menos 10 aña pasa door di dos primo. Un omo a acerca nan pa competi cu algun primo mas grandi y nan a logra gana.

Desde 10 aña te cu awo, tur aña nan ta compitiendo cu flinan mas grandi cada biaha. E aña aki a logra haya 24ora.com como un di e sponsornan y ta super gradicido pa esey. Nan tin un fli di caso 4 meter 30 cu lo competi diadomingo awo, dia 1 di Juni.

 

Construccion di e fli

Lampe a splica cu nan tin dos tipo di zona. Nan ta un grupo di mas of menos 25 persona cu cada un tin varios tarea.

Algun ta traha cu palo, algun ta plak, algun ta verf. Trabao ta wordo dividi e ora. Asina ta haci cu tin union den e team.

Pa traha e fli ta tuma aproximadamente 3 pa 4 dia cu tur hende trahando, te cu mas of menos 1’or pa 2’or di marduga.

Sponsornan

Aña pa aña ta haya sponsor pa sigui apoya e tradicion aki. Ta invita tur hende tambe pa sigui haci esey pa no caba cu e cultura aki di Aruba. Competencia di fli pa uni 25 persona pa 10 aña largo ta nifica cu e deporte aki ta uni un y tur. Grandi y chikito.

Con importante

E union ta hopi importante pa e muchanan ta creciendo. Den Xtreme Flyers tin muchanan cu tambe kier participa. Nan ta crece asina cu e cultura ey tambe.

Uniform

E aña aki Xtreme Flyers tin su uniform tambe. E aña aki a cambia e color un tiki, mirando cu nan a celebra nan di dos lustro y mustrando cu nan ta en contra di abuso di mucha, na un banda di brasa nan ta hiba cinta cu ta representa cu nan tambe ta contra di e fenomeno aki. Ta un topico hopi importante cu ta sosodiendo y nan tambe ta uni na e causa aki.

Invitacion

Xtreme Flyers ta invita Aruba en general pa bin apoya nan y tur otro teamnan na veld di Blue Stars, diadomingo dia 1 di Juni. Competencia ta cuminsa for di 9’or di mainta. Flinan di 4 meter 30 bay mas grandi tambe lo bay tey. Mayornan por bin cu nan yiunan pa asina mira e flinan competi.