Monique Giel Labad di Wit Gele Kruis durante conferencia di prensa na Salubridad Publico tambe a hiba palabra. E aña aki Wit Gele Kruis ta forma parti di e campaña “Mi Escogencia por ta mi Consecuencia”, cual ta e tema pa Carnaval 65.
WGK ta traha riba dos tereno. Preventivo y Curativo y ta haya e casonan ya caba ora cu ta den e curatieve vorm. Esey ta nifica cu ta forma parti na e campaña aki, treciendo locual cu e ta actonan iresponsabel cu un hoben ta trece cun’e na momento cu e tene relacion iresponsabel.
Ta mira esaki despues di nuebe luna, ora cu e hobennan sali na estado y con esaki a tuma luga durante di e periodo di carnaval. Ta mayoria biaha ta bao di of influencia di alcohol of droga, of tambe bo ta haya ora cu nan no tin e informacion corecto.
Pesey tambe, cu WGK ta traha ora cu haya tur e casonan aki, ta bay bek den e parti preventivo, unda cu kier trece e informacion durante charlanan na scol, pero tambe pa pone e hobennan bira conciente cu na momento cu haya un yiu bao di e circunstancianan aki, kico esaki ta trece cun’e.
Ta mira esaki bek ora cu un hoben bin cu un caso. Locual cu Giel-Labad a pone acerca, specificamente cerca mayornan, caminda cu ta haya casonan unda cu hobennan cu ta na estado y ora cu e mayornan ta haya sa, ora cu e mucha tin ocho luna na estado caba, cual ta un embaraso cu tur e consecuencia cu e ta bin cun’e.
No ta solamente e periodo di carnaval, cu ta duna e charlanan aki, cu e muchanan por ta bao di influencia di alcohol of droga, cu nan ta tene relacion sexual cu un of mas partner, cu tin su consecuencianan di un embaraso no planea, un malesa transmiti sexualmente y tambe cu un comportacion iresponsabel, unda cu bo ta haya muchanan ta cay cu bringamento y den man di husticia. P’esey tambe e mensahe pa nos hobennan ta, pa sea conciente. Busca e informacion corecto y tambe tuma e decision corecto.
Pa e adulto y mayornan, vooral pa e muchanan menor di edad, ta haya muchanan di 13 aña, ora bay bek, cu ta periodo di carnaval, si wak full nan historia, cu ta muchanan so riba caya, sin supervision di nan mayornan of un adulto, kico e consecuencia esaki ta trece cun’e.
Pues, mayornan, papia hopi cu bo yiunan. Ora cu nan kier bay un actividad di carnaval, si nan ta menor di edad, no laga nan bay nan so, pasobra sino nan ta haya e informacion di caya of nan ta bay den gruponan cu ya no ta saludabel y cu tin su consecuencianan cun’e.
Papia hopi cu bo yiu. Si nan kier bay actividad di carnaval, compaña nan of percura pa tin un supervision adulto y responsabel, pa asina aki preveni.
Despues ora cu ta den e caso aki, no por haci nada mas. E ora cu hopi biaha bo ta lamenta.
Un conseho pa e adulto, cu ta e rolemodel. Sea e model pa e muchanan y muchanan ta wak esaki riba caya y pa por hiba un acto sexual responsabel y saludabel, Giel-Labad a bisa por ultimo.
