Un caso hopi particular a sosode diamars durante dia ora cu un whale shark of na Spaño tiburon ballena, a pasa cerca di e boto di placer Living Easy cu algun turista abordo.
Esaki a sosode mas of menos 8 pa 10 miya panort di Lighthouse.
E whaleshark aki ta un especie di bayena cu ta esun di mas bieu di mundo y ta conoci bao di su nomber cientifico di Rhincodon typus, cual ta e unico miembro di e famia Rhincodontidae y di e genero Rhincodon, siendo e pisca existente mas grandi di mundo, cu aproximadamente 12 meter di largura.
E ta presenta un alimentacion via filtracion. E ta habita den awanan lauw tropical y subtropical. A calcula cu e ta habita nos planeta desde 60 miyon di aña pasa y na Mexico e ta wordo considera menasa. E pisca aki, ta habita na varios parti rond mundo y tambe den nos region di Caribe, cerca di Puerto Rico y Republica Dominicana. Posiblemente pa motibo di e temblor cu a tuma luga recientemente na Puerto Rico a haci cu e pisca lo a bin den nos region, un poco desorienta.
