Diahuebs mainta a habri cu accion di trahadornan di CITGO dilanti porta di Refineria acompaña pa un di e sindicatonan, esta FTA. Inmediatamente mediador di gobierno a asumi su responsabilidad di convoca un reunion y asina cuminsa proceso pa busca solucion entre e partidonan envolvi.
Anselmo Ponitlius den su posicion a tuma contacto cu e partidonan y teniendo na cuenta cu e accionnan a escala caminda tin un grupo grandi di staff ta den accion, a reuni cu gerencia di CITGO como tambe dirigentenan di FTA.
Intencion ta pa haya FTA y IOWA pa internamente haya nan na mesa, pero tambe haya dirigentenan di e refineria di Aruba na mesa pa mira con prudentemento por haya un / mas acuerdo considerando cu e trahadonan for di 27 di december padilanti a rechasa e oferta / pakete cu nan a ofrece.
Di su banda CITGO a ofrece pa paga e trahadornan nan cecantia y algun compencacion di cual trahadornan a rechasa y cu a desemboca den un accion parcial, pero no obstante un accion cu por tin consecuencia.
Tarea di mediador ta pa busca un solucion permanente ta locual Anselmo Pontiluis a splica. Intencion sigur ta pa preveni cu e accion por escala y bay mas leeuw. Lo ta ideal pa logra un acuerdo awe den e proximo oranan cu ta miho cu nunca. Ora ta papia di accion, e tarea di mediador ta pa purba di resolve y purba di preveni cu e ta bira mas grandi.
No a papia ainda si accion lo escala, pero e mediador lo purba di su banda pa percura pa e solucion. Na e momento aki tin dos punto riba mesa cu ta e hecho cu e trahadonan a rechasa e oferta pa loke ta placa ( eynan tin cu busca un salida ), e segundo punto cu ta mas serio caminda trahadonan ta demanda pa sa cu ken nan ta bay traha y cuanto trahado lo keda traha na momento cu CITGO bay.
