Secretario di Estado, drs. Alexandra van Huffelen durante tratamento di presupuesto supletorio di Hulanda, a indica cu ta na ultimo ora Gobierno di Aruba a entrega su raportahe financiero.
E momento ey, por a sinti na tono di Secretario di Estado cu e tambe ta perdiendo pasenshi cu Aruba y cu asina e no por yuda Aruba mas. Prome Minister, mr. Evelyn Wever-Croes, a cuminsa na bisa cu e poblacion di Aruba ta pone mas atencion na loke ta pasa na Hulanda cu loke ta pasa na Aruba mes.
Segun e mandatario cuminsa kere den nos mesun hendenan. Aruba tin su parlamento y tanto Gobierno como tambe oposicion a haci un tremendo trabou door di cuestiona tur e documentonan ter inzage.
Den Tweede Kamer, Secretario di Estado, Van Huffelen a lansa algun expresion cu segun prome minister no ta corecto. A duna varios proposicion na Gobierno Hulandes, como dies, pero no a acepta niun di nan. Es decir, no ta manera cu Van Huffelen a a indica cu ta un dia prome a core entrega un proposicion.
