Riba un radiante diabierna mainta, esta 8 di september 2023, Universidad di Aruba a drenta su di 35 aniversario y a duna inicio na un aña academico nobo. E dignatarionan distingui manera su Excelencia Gobernador di Aruba, Alfonso Boekhoudt, Su Excelencia Prome Minister di Aruba, mr. Evelyn Wever Croes, Su Excelencia Minister di Educacion, Endy Croes, y varios otro distinguido minister, a honra Universidad di Aruba cu nan presencia. Tambe tabata presente na e ocasion special aki e studiante-, facultadnan y honrado invitadonan, manera Rector di Universidad di St. Maarten y Rector di Universidad di Curaçao.
Den un discurso sincero Rector di Universidad, Viola Heutger, a destaca e biahe remarcabel di e institucion, caracterisa pa un crecemento substancial di studiante y inscripcion pa PhD, expansion di facultad, y programa innovativo manera e “Academic Foundation Year’ (Aña Academico di Fundeshi). E red global, regional, y local a impacta comunidad significantemente, fomentando asina un comunidad dedica na educacion, investigacion, y progreso.
A reconoce e ex-rectornan Lydia Emerencia y Glenn Today pa nan contribucionnan valioso na desaroyo di Universidad. E logronan clave di e aña academico anterior ta inclui un recomendacion positivo for di e cuerpo di Acreditacion Hulandes Flemming pa e programa bachelor di ‘Organization Governance and Management (OCM). Universidad a introduci tambe e programanan master nobo, ‘Governance and Leadership’, y ‘Sustainable Island Solutions’, reforsando asina su compromiso cu excelencia academico.
E inicio di e Programa di Mobilidad di Reino, creando e posibilidad pa e studiantenan studia den exterior ta amplia y mehora e oportunidadnan dentro di Reino y mas aya.
Cu bista riba futuro, Universidad di Aruba tin como meta pa expande su red global, desaroya programa educacional nobo, y atende cu e restriccionnan pa acomoda su comunidad creciendo.
Universidad di Aruba su dedicacion pa sirbi comunidad di Aruba ta surpasa e bareranan di idioma, door di embarca Papiamento, Hulandes, y Spaño, reflehando asina su contribucion pa diversifica y haci enseñansa inclusivo.
Contribucion di alumni:
Despues di e discursonan di apertura, cuater distinguido alumni a comparti nan biahenan inspira na Universidad di Aruba. Mr. Jurney Tromp, un abogado exitoso, y Nicolas Gordon, un afortunado doño di negoshi, originalmente di Jamaica, a enfatisa e impacto di nan experiencia na Universidad di Aruba. Marisol Sanchez- Maldonado, manager di comunicacion na Aruba Tourism Authority y profesor invita na Universidad a resalta e importancia di educacion den turismo. Tyson Lopez, CEO di Fundacion Parke Nacional Arikok, a expone e rol di universidad den forma lidernan dedica na sostenibilidad, diversificacion, y compromiso civico.
E alumni a expresa profundo gratitud na Universidad di Aruba pa a prepara nan pa e papel di lider.
Despues di e discursonan inspirado aki, e invitadonan por a pasa pa e sala di exhibicion, pa haya un impresion di universidad su biahe di 35 aña. Universidad a expresa gratitud na e negoshinan Rubiano, y comunidadnan internacional pa nan contribucion continuo y pa nan colaboracion.
Universidad di Aruba a expresa alabes sincero gratitud na Gobierno di Aruba pa su apoyo solido y constante.
Pa mas informacion, por fabor bishita www.ua.aw. Y nos otro rednan social.
