Na e momento aki tin diestres sospechoso deteni y aproximadamente 2.900 kilo di droga confisca. Esaki ta e dos utlimo capturanan cu a tuma luga riba lama door di Zr.Ms. Groningen cu ta nabega e area di Caribe.
E hallazgo grandi di droga aki a tuma luga durante dos intercepcion riba un solo dia. A confisca un total di 8.500 kilo di droga, cu a tuma den beslag procedente di contrabanda, door di wardacosta den region di Caribe.
E prome detencion a tuma luga diaranson dia 10 di augustus den ora di marduga. E metal shark a drenta den accion riba ordo di Maritiem Operatie Centrum (MOC) di Kustwacht Caribisch Gebied (Wardacosta Caribe Hulandes). Cu e botonan (FRISC’s) cu ta yega na velocidad halto a capta movecion di un boto sospechoso, cu a duna ordo pa para.
Durante e operativo a tuma nota cu e cinco sospechosonan aki lo a tira nan lote na awa. Pa nan malasuerte por a recupera y pisca tur e bultonan bek for di awa. A calcula aproximadamente 550 kilo di droga, caminda 100 kilo tabata marihuana y 450 kilo tabata cocaina. A subi tur sospechoso abordo di e Zr.Ms. Groningen.
E prome cargacion aki no tabata ni sikiera controla ainda, cu a drenta melding di Maritiem Operatie Centrum (MOC) cu tin di dos otro boto sospechoso nabegando den area.
Ambos go-fast sospechoso a keda para door di Groningen. Nan tabata para banda di otro e momento ey pa un tankstop. Un di nan tabata mustra di ta completamente yen (full tank) cu gasolin.
Na momento cu a realisa cu Zr.Ms. Groningen ta den nan direccion, nan a purba di tira tur mercancia di un boto y yena esakinan den e otro boto pa asina nan por a ranca sali bay. Un biaha mas a cuminsa un persecucion formal riba lama cu botonan (FRISC’s) mientras Zr.Ms. Groningen a ocupa su mes cu e bultonan cu nan a tira awa.
A bay asina leu cu mester a tira y asina schakel uit un di e motornan di e go-fast pa asina e por a para. Esaki a surgi despues cu nan no tabata reacciona ni sigui ordo di wardacosta pa para, ora a instrui nan pa haci esey.
Na total a detene diestres sospechoso y subi nan abordo di Zr.Ms. Groningen. A confisca 2.300 kilo cocaina y tambe e 550 kilo di droga confisca den e prome caso, a pasa tur cos over na Korps Politie Caribisch Gebied di Boneiro cu a keda encarga di e investigacion. Mientrastanto a destrui tur droga cu a confisca.
