Cuminsando cu e di 26 edicion di e Aruba International Half Marathon dia 25 di maart 2018, sr. Romar Arendsz, atleta di triathlon y miembro di ViperStrong, ta inicia su campaña #IRun4Hope. Romar lo core diferente caredanan nacional y internacional cu lo acumula mas di 400 kilometer, finalisando cu e KLM marathon na juni 2018.
Durante e periodo aki Romar ta haci un yamada na e pueblo di Aruba pa apoya su mision pa yuda nos yiu di tera Kyrenne Croes door di sponsor e kilometernan cu e lo core pa asina por recauda fondo. Cada florin cu por wordo recauda, ta conta den e tratamento di Kyrenne Croes.
Pa hasi donacion ta posibel via e cuenta bancario di ViperStrong cu ta Aruba Bank 2540300190 riba nomber di Tristan Vermeulen. Menciona bo nomber y cuanto kilometer bo ta desea di sponsor.
Pa mas informacion por tuma contacto cu presidente di ViperStrong, sr. Jareth Vermeulen riba 5663597 of cu e tesorero di ViperStrong sr. Tristan Vermeulen riba 593 3458.
Un danki special ta bay na Total Services Aruba pa hasi e campaña aki posibel. Na tur nos sponsors y supporters tambe un palabra di gratitud. Na ful pueblo di Aruba, personanan cu semper t’ey pa yuda y tur cu kier duna un man na Hope4Kyrenne un danki y abrazo grandi.
Agredecimento na Hilton Carribean Resorts & Casino Aruba, Nagico Insurances, HC Adidas, SportCaribe, Local Store Aruba, Jads Dive Center, E Sushi Shap, GNC Live Well, Cunucu297, Kooltemp, Emco, Crossfit Gradum y Tropical Bottling Company.
