“Na tur Arubiano, tanto na Aruba como rond mundo: Un feliz dia nacional di nos pais stima Aruba”, asina Benny Nisbet di Partido PPA ta bisa awe riba Dia di Himno y Bandera. Su deseo ta cu nos tur uza nos dia pa celebra como un pueblo uni pero na mes momento pa nos evalua e 32 aña cu nos ta un pais den Reino Hulandes.
“No kabe duda cu tin desaroyo cu no a bay bon y merece atencion di nos pueblo…nos Gobierno y nos Parlamento. Laga nos carga nos responsabilidad como pueblo pa nos sigui crea un Aruba cu nos mes y generacionnan cu lo sigui nos, por tin un bida feliz riba nos isla stima”.
Na final e politico di Partido PPA a bisa “Na cada Arubiano…pabien na tur cu ta stima nos pais y ta contribui na su progreso….pabien y bendicion pa henter nos pueblo”.
