Diahuebs anochi, den careda di 10:30PM, polis ta presenta pa un incidente riba caminda grandi di Savaneta caminda un vehiculo lo a laga un persona herida bandi caminda.
Diferente patruya a asisti na momento cu a papia di un hit and run cu persona herida. Esaki a tuma luga riba caminda grandi di Savaneta ( net un poco pabou di Jr Autocenter ) caminda un vehuculo no a calcula su distancia bon for di e acera y su spiel lo a alcansa un peaton canto di caminda.
Segun informe na sitio e chauffeur no a para/ no a tuma nota, a sigui core y bay laga e victima benta eybou. E acto aki sigur tabata tin su consecuencia mirando cu e victima a ricibi un corta formal na su cara cual a pidi prensencia di ambulance na sitio pa duna asistencia. Un rato despues a transport’e pa Hospital. Polis a cuminsa un buskeda den e area pa wak si lo por encontra e auto.
