Candelario Wever: Ta reta Otmar Oduber pa entrega keho contra su persona

1044

Candelario “Booshi” Wever, lider di UPP, a presenta na Ministerio Publico pa asina entrega un di 3er rappel contra ex minister y ex lider di POR, Otmar Oduber. El a entrega caba 2 rappel brief, pero nan no a traha riba dje ainda y ta pensa sea cu nan ta “onderbezet” pero ta duna Ministerio Publico mas tempo. E carta aki el a entrega na tur Parlamentario, Ministernan y varios miembro di prensa.

El a bisa tambe cu el a tuma nota cu di repente politico Hulandes ta haci uzo di esaki. Y di a tende con Bosman ta papia di Aruba, e ta indigna con malo nan ta papia di Aruba. Di a bisa politiconan coruptonan. Segun Wever, e no ta den e grupo cu ta haci fechoria. Desde 2 aña pasa e ta bisando kico ta pasando den Serlimar, pero niun hende no a worry. Parlamento di MEP tin esaki pero no ta haci nada y pueblo tin di paga p’e. UPP semper ta para pa good governance, no mester bay na un normal nobo pero un normal miho.

Booshi Wever ta sigui yega na Ministerio Publico pa mantene e keho di corupcion contra Otmar bibo

Posted by 24ora on Friday, June 5, 2020

Na varios ocasion Booshi Wever a yama Otmar Odubere pa corupto, di cual nunca e ex mandatario a yega OM contra su persona. Pero na momento cu otro hende a entrega keho contra dje, mesora Oduber a core bay recherche pa entrega keho contra e persona. E ta reta Oduber pa entrega keho di “valse aangifte”. E ta prefera papia mentira y p’esey Booshi kier hay’e den corte. “Elementonan manera Otmar Oduber”, segun Wever, ta pone Aruba den un mal luz.

Pa mas informacion loke Wever a papia, sigui e live.