A bin topa cu un auto tira den su banda despues cu el a bolter den cercania di dam di Moko. Vehiculo aki tabata envolvi mas tempran den un caso di hit and run cu a tuma luga den Emmastraat na playa na altura di ex-La Linda di mucha.
Den careda di 1:30 pm a pidi presencia di polis na dam di Moko pa un vehiculo laga atras y cu basta daño material. Por a compronde cu e vehiculo (March color blau) aki tabata gekenter tira den e mondi despues di a bolter. Chauffeur a bandona sitio pero despues di un rato a presenta na sitio bek.
Na prome instante a manda polis controla e vehiculo aki pasobra tabatin indicacion cu e lo tabata envolvi den un caso di hit and run den area di Playa (Emmastraat) mas tempran. Despues di control na sitio a confirma e informacion aki..
No tabatin persona herida pero sigur hopi daño cu tin cu para responsible p’e awo.
