Duna bo yiu espacio.
Pa haci bo yui independiente bo mester dun’e espacio. Laga bo yiu purba di por ehempel bisti su paña su so of lag’e tuma un decision su mes. Si bo yiu kier core pafo sin sapato bisti lag’e haci esaki, bo yiu lo realisa cu e asvalt ta cayente y lo bisti su sapato despues. (mester tene cuenta pa e no causa daño na su mes)
2. Sea positivo
Naturalmente tin cos cu ta bay robes ora bo yiu kier haci algo su so. Pesey nos ta recomenda pa bo keda positivo. Purba di pone atencion riba e cosnan cu bo yui a logra. Por ehempel, si a laba su man y bo baño a keda tur muha pone atencion na e hecho cu su mannan ta limpi y ela a haci’e su so. Haci baño limpi ta bin despues.
3. No duna comentario negativo
Un mucha ta keda contento ora e logra bisti su paña su mes. Aunke si su carson ta pa robes bisti purba di no duna comentario negativo riba esaki. Pero si corigi’e y mustr’e con e mester bisti’e pa otro biaha. Door di no pur’e y coregi bo yiu durante e proceso bo ta lag’e sinti cu el a logra algo su mes, bo yiu lo bira hopi contento ora e ripara cu el a haci tur cos su so.
4. Laga bo yiu explora y analysa
Mucha ta gusta haci hopi pregunta. Por ehempel dicon e shelo ta blauw?
Bo por duna contesta na cada pregunta den pura . Pero tin ora ta importante pa bo warda un rato y duna bo yiu espacio pa e mes pensa riba un contesta of puntr’e “kico abo mes ta pensa?” Asina bo yiu ta siña pensa pa su mes y lo bo realisa cu e contestanan cu bo yiu duna no ta straño.
5. Promove interes
Si bo yiu tin interesa den algo, dun’e e oportunidad pa e por yuda. Por ehempel, si e kier yuda cushina bo por lag ‘e laba berdura of pone awa den un panchi pa prepara aros. Asina bo ta dun ‘e responsibilidadnan chikito cu ta lag’e sinti cu e tambe a yuda den cushina.
