A drenta informacion cu lo tin algun funcionario di CEA pa loke ta trata e departamento di transport, cu a sinti sintomanan relaciona cu e virus di COVID-19. Esaki mando di CEA ta informa personal den un carta.
E funcionarionan en cuestion a bay haci test y algun di nan a sali positivo, mientras cu otronan a sali negativo.
Esnan positivo a bay den isolacion y algun den cuarentena, despues di contact tracing haci pa DVG.
Manera ta conoci e departamento aki ta ubica na Corte di Husticia caminda cu a tuma tur precaucion y medida. Tambe e departamento aki a frecuenta diferente localidad, manera ICN, Ministerio Publico, wardanan di polis y transporte di detenidonan pa diferente luga manera consultorio di dokter, etc. A informa y ta informando diferente di e luganan aki.
E funcionarionan aki di un of otro manera por tabatin contacto cu coleganan na e luganan ariba menciona of den otro ocasion. Ta bisa den e carta cu si acaso tin funcionario di CEA cu ta sinti sintoma cu por ta relaciona cu COVID-19, tin cu avisa dokter di cas y si DVG acerca pa bay den cuarentena, mester avisa e ploegleider of coordinado y e departamento di planning di CEA mas pronto posibel pa asina por tuma e medidanan apropia.