Dia 26 di december a trece e situacion di santana di gobierno na Playa, unda cu e ciudadano no por bishita kelder. A manda ploeg n’e santana y a dura dos dia pa drecha esaki.
Minister di Naturalesa, Ursell Arends, a splica cu e ploegnan recientemente tabata realoca. BCI a atende esaki. Mirando e situacion financiero di Serlimar, segun e mandatario, a mira oportunidad unda por yuda. Dje total di 55 ploeg cu tabata na Serlimar, 40 a keda eynan, seis a bay pa Bureau City Inspector, tres a bay pa Santa Rosa y cuater a bay pa FPNA. Di e forma aki nan ta bay atende e areanan rond di Aruba y mantene nan limpi.
E ultimo biaha cu a haci e santana limpi segun BCI tabata na october 2021 y awo ta bay yega na palabracion. Mirando cu santana ta cay bou di pais Aruba, normalmente DOW ta haci e mantencion. Pero si ta e ploegnan di BCI ta bay supuestamente asumi e responsabilidad, nan ta cla p’e.
Arends a sigui splica cu e ploegnan ta bay yuda tambe zorg pa garantisa cu por tene Aruba limpi. Esey ta tarea segun e mandatario cu nan a asumi y ta bay mira e ploegnan activo den e areanan cu hopi bes ta haya desperdicio.
Pa mas lesa TREMPAN.COM.
