E prome baby di aña na Boneiro ta Ajmal Zahir Ishadai van de Werp Rosario Janga, cu a nace den marduga di 4 di januari pa exactamente 00:31 am. Awe mainta, na nomber di Entidad Publico Boneiro, diputado Elvis Tjin Asjoe di Comunidad y Cuido a bay personalmente pa felicita e mama Jazmin van de Werp Rosario y e tata Lisandro Fernando Janga cu nacemento di nan yiu homber.
E diputado a hiba un regalo chikito pa e famia, cu ta consisti di entre otro producto pa cuido di baby. Tambe el a bisa nan cu nan ta bay drenta un temporada hopi placentero y cu sigur nan mester disfruta di cada momento.
