Riba 27 di september ultimo Unicon a lansa su proyecto mas nobo, esta Unicon Business Solutions(UBS). Den presencia di nan partnernan escensial y cliente, a presenta e línea nobo aki. Den pasado ya Unicon tabata conoci pa brinda servicio na e clientenan grandi na Aruba manera entre otro Setar.
Sonia Manglani ta managing director pa Unicon na Caribe Hulandes. Durante un entrevista cu 24ora.com, Manglani a vocifera cu tabata un bon momento a presenta e proyecto aki. Ya nan ta conoci pa brinda servicio y benta di producto p’e negoshinan grandi, pero awo lo empodera esaki y trece bou di un solo marca, UBS. Na UBS lo yuda bo cu tur bo productonan pa negoshi. Pensa riba airco, stoof, freezer y mucho mas.
UBS ta cla pa yuda negoshi, hotel, AirBnb y comercio en general cu nan productonan di mas calidad y na bon tremendo prijs. Durante e lansamento di e proyecto, tabatin representante di diferente marca cu a presenta y duna informacion tocante nan productonan cu nan ta ofrece. Claro, esaki ta posibel via di AMC Unicon. Hasta tabatin representa di compania di cama y sofa kende ta activamente bendiendo diferente hotel nan productonan.
E idea ta pa e comerciantenan no mester bay rond y cumpra tur cos apart. Cu UBS lo ta un ‘one stop shop’caminda lo brinda bo tur cos bou un solo capa. Unicon ta conoci tambe pa e posibilidad di financiamento. Awo tambe ta brinda e servicio di ‘lease’, caminda por paga mensual un suma mucho mas abou y toch ricibi e productonan desea. Despues cu e ‘lease’ caba, e cliente tin chens di cumpra e productonan over of por renoba su ‘lease’ y ricibi e modelonan mas nobo riba mercado.
