Diasabra den oranan di atardi Polis y Ambulance a wordo manda cu urgencia den direccion di Rodgers Beach. Un homber turista a bati alarma pasobra e casa y e yiu a bay landa y oranan ta pasa y nan no ta bin bek. E no ta miranan tampoco. Mientras cu Polis a bay na e sitio a mobiliza via lama Polis Maritimo tambe. Ora cu Polis a yega e homber turista a avisa Polis cu e ta mirando hopi leu su casa ta biniendo bek tera landando cu e yiu. Nan a keda warda un rato y finalmente ambos a yega tera. Polis a papia cu nan y den presencia di e Paramediconan a ripara cu tur dos tabata bon bon. Segun e mama y e yiu, nan a landa bay na e isla dilanti di CITGO y no a kere cu e lo dura asina hopi. Nan no a haya ningun problema den e proceso y a bay y bin bek sano y salvo. A cancela tur e alarma pa e caso aki y boto di Polis tambe por a bay bek nan post.
